Nuus Aktueel Water
VERSKEIE bepalings in die nasionale waterwysigingswetsontwerp wat op 17 November in die Staatskoerant afgekondig is en waarop kommentaar teen 16 Januarie ingedien moet wees, maak waterregkenners baie bekommerd.
Dit sluit in dat die staat klaarblyklik voortgaan met sy strewe om ’n einde te bring aan die verhandeling van waterregte, al het hy al hieroor in die Grondwethof bloedneus gekry. Verder wil die staat ras en geslag die belangrikste kriteria maak om ’n waterlisensie te kry – nóg ’n aspek waaroor hy vantevore ’n hofsaak verloor het.
Nic Knoetze, uitvoerende hoof van die Suid-Afrikaanse Vereniging van Watergebruikersverenigings (SAAFWUA), sê die tydsberekening van die publikasie so kort voor die Desembervakansie “maak dit moeilik vir organisasies om so ’n moeilike wysigingswetsontwerp te verteer”. Meer tyd is vir behoorlike kommentaar nodig.
Agri SA en die
