Droogte is ’n herhalende en terugkerende verskynsel in die droë en halfdroë gebiede van Suider-Afrika. Van twee gebeurtenisse kan ’n mens in dié gebiede seker wees: Dit gaan die een of ander tyd weer droog word . . . en daardie droogte gaan gebreek word. Trouens, dit is 100% seker dat dit die een of ander tyd droog gaan word – dit is net onseker wanneer.
Dit is hierdie onsekerheid wat veroorsaak dat boere reken dit is onmoontlik om vroegtydig vir droogtes te kan beplan.
Dit is egter belangrik dat ’n mens juis hierdie onsekerheid optimisties moet benader deur vooraf planne vir die volgende droogte te beraam. As ons geweet het wanneer dit weer droog gaan word, sou dit immers nie nodig gewees het om vooraf daarvoor te beplan nie!
In die verlede, toe daar nog ’n goed bestuurde staatsondersteunde droogtehulpskema in veral Suid-Afrika was, kon boere dit bekostig om nie vir die gevolge
