TLU SA Jongboer van die Jaar
Geen- en verminderde bewerking is nie altyd moontlik nie, maar dit beteken nie ’n saaiboer hoef nie mooi na sy grond te kyk as hy konvensionele bewerking toepas nie. Nicky van der Linde, TLU SA se Jongboer van die Jaar vir 2023, doen alles in sy vermoë om sy grond se gesondheid en struktuur op te pas.
Gereelde toetse op sy plaas, Cyrus, by Standerton dui aan daar is geen verswakking in die grondstruktuur nie.
Presisieboerdery in ál sy vorms en die bandplasing van kunsmis om nét die regte hoeveelhede toe te dien, verseker verder dat hy wetenskaplike beginsels navolg.
Nicky boer onder die naam Geelbos-boerdery met mielies, sojabone, kommersiële Afrikaner-kruisrasbeeste en SA Vleismerino-skape. Die bekende Geelbos Afrikaner-stoetery het nog tot verlede jaar bestaan, maar dit is toe weens die werk wat die saaiboerdery op 3 500 ha verg, na ’n kommersiële boerdery omgeskakel.
Kompos se voordele
Nicky plant mielies en sojabone in ’n 50-50-wisselboustelsel. Hy plant Dekalb-mieliekultivars: DKC 72-72B, DKC 64-64BR, DKC 68-54B en DKC 73-70B. Almal is Bt-basters en geeneen is met genetiese modifisering geteel om chemiese onkruidbekamping met Roundup te kan doen nie.
“Omdat ek Roundup-Ready-sojabone verbou, is
