‘JULLE OPTREDE WYS DUIDELIK JULLE KAN NIE TOESIG HOU OOR KUNSMATIGE INTELLIGENSIE NIE’
RUGSTEKERY in die raadsaal, afdankings, ’n paleisrevolusie en ’n triomfantelike terugkeer. Dis mos die intrige wat die TV-reeks Succession so gewild gemaak het. Wie sou kon dink sulke sepie-sages slaan deur na die regte lewe toe? Lol. Dis ’n goeie opsomming van wat onlangs by OpenAI afgespeel het.
Dis die hipermoderne maatskappy wat Chat-GPT gemaak het – die pratende rekenaarprogram wat die wêreld die afgelope tyd so verlei en hipnotiseer.
’n Maand gelede het Sam Altman, hoof van OpenAI, die maatskappy se suksesse met die wêreld gedeel. Hy was trots op wat hy en sy span vermag het. ChatGPT het binne twee maande van sy
