Wingerd
Die Smart-Dyson-stelsel is een van verskeie opleistelsels wat hom leen tot ’n potensiële verbetering in produksie én gehalte. Dit verg egter meer werk, soos om lote te verwyder en te posisioneer, maar die koste wat in suiertyd of met blaarverwydering bespaar word, regverdig die bykomende aksies.
Dit is ’n opleistelsel wat baie goed op bestaande VLP-stelsels (vertikale lootposisioneringstelsels) kan werk en dis gewoonlik nie te ingewikkeld om oor te skakel nie. Aangesien dit ’n vertikale stelsel is, kan rywydtes nouer wees, wat beteken daar is meer kordonmeters per hektaar.
Die enigste ooglopende nadeel van die stelsel is dat algehele meganisasie daarvan tans nie moontlik is nie. Daarom moet jy hande-arbeid tot jou beskikking hê. Jy kan wel met sekere masjiene meganies oes.
Faktore om te oorweeg
Die kant waar die afwaartse posisionering van die prieel moet plaasvind, hang van verskeie faktore af, waarvan die belangrikste die heersende windrigting, helling en ryrigting is.
Die kordon moet liefs aan die kant van die sterkste heersende windrigting geposisioneer word om seker te maak dat dit nie tydens sterk winde van die pale loskom nie. Dit verseker ook dat die wind die vertikaal geposisioneerde lote regop teen die prieelstelsel