Staatskuld galop na gevaarlike, nievolhoubare vlakke hoewel in die media berig is dat die minister van finansies in die mediumtermynbegrotingsraamwerk (MTBR) daarin geslaag het om die staat se uitgawegroei te beteuel.
Die ANC-regering is nie bereid om uitgawes te besnoei nie, maar net om dit stadiger te laat groei. Die grafieke toon dan ook dat die ANC-regering ’n tipiese sosialistiese, populistiese begrotingsbeleid volg wat op verbruik en skuld geskoei is, en nie om ’n ekonomiese groeigrondslag te skep vir die private sektor nie.
Die verwagting is dat staatskuld in die volgende drie jaar gaan groei tot sowat R6,5 biljoen en dat sowat 22% van jaarlikse staatsbesteding aan die diens van staatskuld bestee gaan word.
