NuusAktueel Mynbou
WANNEER ’n kennisgewing oor voorgenome prospekteerof mynaansoeke op ’n boer se grond in sy posbus beland of op sy grensdraad verskyn, moet hy bitter vinnig ’n paar ingrypende besluite neem. Gaan hy verkoop, of gaan hy bly en baklei?
Jan Boshoff, eienaar van Boshoff Bonsmaras tussen Delmas en Leandra in Mpumalanga, meen ’n boer kan sy vingers lelik verbrand as hy hom daarteen blind staar om grond teen ’n groot bedrag aan die myn te verkoop.
“Gewoonlik wil die mynmaatskappy net ’n gedeelte van jou plaas koop. Gestel jy boer op 1 000 ha en hulle wil net 100 ha of 200 ha hê en bied jou ’n groot bedrag geld daarvoor aan, maar nou is die grond wat oorbly, nie meer ’n ekonomiese eenheid nie. Daar is soms geleenthede as jy net ’n gedeelte van jou grond verkoop, maar as jy nie ekonomies