Die eerste dag van ons toer deur Lesotho se passe – waartydens ons die Sani-pas, Swartbergpas (ook bekend as Kotisepholapas) en die taamlik uitdagende Moteng-pas met sy 91 hoeke aangedurf het – was gewis uitdagend, maar ons het dit gemaak!
Die volgende dag sou nóg ‘n besige een wees, met ‘n beplande toer van die Katsedam wat vir 11:00 bespreek was. Dit het beteken dat ons die 144km daarheen in minder as drie ure moes aflê, so ons het vroegdag ontbyt geëet en om 07:30 in die pad geval. Ons het die A1 uit Butha Buthe geneem en na Hlotse gereis, waar ons in spitsverkeer vasgesit het. Wees skerp as jy hier ry, want die inwoners het oënskynlik ‘n ander stel verkeersreëls as waaraan ons gewoond is! ‘n Interessante ervaring, inderdaad.
Mafika Lisiu-pas
Ons het links op die A25 gedraai om die sogenaamde ‘poort na Katse’ – oftwel die magiese Mafika
