TSHOOTSHA
Hierdie dorpie, voorheen Kalkfontein, is naby die A2-pad in die Ghanzi-distrik.
26 Jungle Light Rest Camp
Hierdie kamp in die buitewyke van Tshootsha is ook bekend as Riana’s Campsite. Dis reg langs die A2. Kamp kos P150 (R209) p.p. En suite-safaritente vir 2 mense kos P660 (R917) p.n. Etes beskikbaar – bespreek vooraf.
00 267 76 549 800
(Riana, WhatsApp)
GHANZI
Hierdie Kalahari-dorp in die weste van Sentraal-Botswana is die middelpunt van ’n groot boerderygemeenskap. Jy sal dalk hier rond moet oorslaap indien jy van Botswana na Namibië wil ry (of andersom), maar die gawe gasteplase gaan jou dalk oortuig om langer te kuier. Dit bied unieke ervarings wat jy nie elders in Botswana kry nie.
27 Kalahari Arms Hotel
Dié hotel is op die dorp en het ’n restaurant en swembad. Kamers is vanaf P1 735 (R2 412) p.n. vir 2 mense; chalet vir 2 volwassenes en 2 kinders jonger as 12 kos vanaf P1 995 (R2 773) p.n. Die tariewe sluit ontbyt in.
00 267 659 6298
reservations@kalahariarms.co.bw
kalahariarms.co.bw
28 Sympõnia Guest House & Camping
Hierdie nuwe plek is 7 km noord van Ghanzi langs die A3. Daar is 6 netjiese kampplekke en 8 kamers en die restaurant maak lekker kos – vra vooraf oor hulle pizza-aand!
’n Kamer vir 2 mense kos P1 540 (R2 141) p.n., met ontbyt. Die gesinskamer (2 volwassenes en 2 kinders) bied goeie waarde vir geld teen P2 090 (R2 905) p.n., met ontbyt. Die kamers kyk uit oor die swembad en die kampterrein is net ’n entjie verder. Kamp kos P170 (R236) p.p.p.n. en P90 (R125) per kind 7-12 jaar. Die kleintjies bly gratis.
00 267 73 573 338
symponiaghanzi.com
29 Tautona Lodge
Dié lodge is op ’n 10 000 ha-wildplaas net 5 km noordoos van Ghanzi.
2023-tariewe: Kamp onder bome met kragpunte: P360 (R500) p.p.p.n. Tent vir 2 mense P450 (R626) p.p. wat deel. Standaardkamers vir 2 mense P870 (R1 209) p.p. wat deel, met ontbyt. Chalet vir 2 mense vanaf P1 360 (R1 890) p.p. wat deel, met ontbyt. Gesinschalet (vir 2 volwassenes en 2 kinders) P2 000 (R2 780) p.n., ontbyt.
00 267 75 608 359
tautonalodge@gmail.com
30 Ghanzi Trail Blazers
Volg die A3 vir 10 km suid van Ghanzi en draai dan af na regs – Trail Blazers is nog 6 km grondpad wes van die A3. 2023-tariewe: Kampplekke het water en krag: P120 (R167) p.p.p.n. Chalets vanaf P700 (R973) p.n. vir 2 mense.