“AL dink baie mense dit is nie moontlik nie, meen ek dit is ’n feit.”
Só sê Francois Strydom, voorsitter van die landbousakekamer Agbiz en ook uitvoerende hoof van Senwes, oor die groeiende betrokkenheid van die private sektor by ondernemings in staatsbesit wat op die rand van die afgrond is.
“Ek dink ’n mens kan met redelike veiligheid sê dat die hoofkomponent binne die ANC doelbewus die proses só aandryf dat groot staatsondernemings opgedeel word in kleiner en meer funksionele eenhede, en dat van hierdie komponente doelbewus na die private sektor afgewentel word.
“Polities is dit moeilik om openlik daaroor te wees, want van die faksies binne die regering staan ongunstig hierteenoor.”
Daar was die afgelope jaar ’n aantal belangrike bewegings na groter private deelname in deurslaggewende staatsmaatskappye wat