Die Klein-Karoo juig
Die Kammanassiedam oos van Oudtshoorn het op 10 Oktober begin oorloop. Dit was einde September nog 73% vol, en verlede jaar dié tyd het dit tot onder 4% gedaal. Dié dam was in 2015 laas vol. “Dit beteken jare se water vir besproeiingsboere wat daar gelys is,” sê Jannie Strydom, uitvoerende hoof van Agri Wes-Kaap. “Ons het nou hopelik vir die volgende twee jaar water al val daar nie ’n druppel reën nie,” sê Cornel Landman van Karoo Lusern naby Oudtshoorn.