VEILIGE HERLAAI
Francois van Pretoria is bekommerd oor laaiveiligheid en die veiligheid van handgelaaide patrone, siende dat al hoe meer jagters en sportskuts deur die skaarste en hoë koste van fabrieksammunisie gedwing word om hulle eie ammunisie te laai. Hy vra of daar ’n stel reëls is wat handlaaiers wat onseker is, kan help om hulle ammunisie veilig te laai.
Ek weet nie of daar ’n omvattende stel reëls bestaan vir alle moontlike areas en scenario’s wat die veilige handlaai van ammunisie beïnvloed nie. Daar is wel veiligheidsinstruksies vir byna elke stukkie toerusting wat die veilige gebruik daarvan pro-beer verseker. Dan is daar natuurlik gepubliseerde ladingtabelle wat die minimum- en maksimumladings vir elke wapenkaliber, asook elke beskik-bare koeël vir daardie wapen, aandui. Ballistiese tabelle dui ook die maksimumdrukvlakke vir elke wapenkaliber aan, sowel as die invloed wat temperatuur op die druk uitoefen. Die handlaaier moet natuurlik hierdie veiligheidsmaatreëls nakom wanneer hy sy ammunisie laai. Om hierdie magdom moets en
