Jongboerkompetisie
Karooboere is uitgelewer aan ’n paar elemente – die weer, afgeleë ruimtes en die lot om dikwels prysnemer te bly. Jaco Pieterse van die plaas Potkraal naby Richmond met sy 14 000 ooie in ’n deurlopende produksiesiklus benut die volle waardeketting deur sy eie abattoir en bemarking wat in die droogte momentum bereik het.
Die boerdery speen lammers vroeg, rond ramlammers in die voerkraal af en bemark dit as verpakte karkasse in die Wes-Kaap. Dit besorg Jaco en sy vrou, Andrea, ’n bykomende marge van 15% tot 20% teenoor die bemarking van slagskape by ander abattoirs.
Dié winsgewendheid is moontlik omdat hy as prysbepaler kan optree. “Ek is min van buitefaktore vir prysbepaling in my onderneming afhanklik. Die produkpryse moet uiteraard markverwant wees.”
Hy erken ruiterlik dat sy stelsel bestuurgewys ’n nagmerrie is. “Jy sit met diere in verskillende fases van produksie in verskillende distrikte in die Karoo op
