TERWYL EK JOU BORSVOED, KYK JY STIP NA MY GESIG ASOF JY WIL PEIL HOE HIERDIE VROU LYK WAT JOU MA IS.
MAAND 1
s daar ’n groter oomblik as om jou baba die eerste keer vas te hou? Jou volmaak geskepte handjie krul styf om my vinger. As ek aan jou wangetjie raak, draai jy jou kop outomaties daarheen, soekend na my bors. As jy dit kry, suig jy instinktief en sterk. Reeds met geboorte het jy gereageer op skerp lig deur jou gesiggie op ’n frons te plooi, en harde geluide laat jou jou arms wyd oopgooi en huil. Maar as ek jou styf teen my vashou, word jy rustig. Jy ontwikkel letterlik elke dag: Ná die eerste week kan jy jou koppie vir enkele sekondes effens skuins lig terwyl jy op jou magie lê, hoewel maar taamlik bewerig! Ek hanteer jou soos iets broos wat maklik kan breek, want jou nekspiere is nog nie sterk genoeg om jou kop regop te hou nie. Maar elke week sien ek hoe dit sterker word. Soms speel ek met jou deur ’n ratel so 20 cm van jou ogies te hou – dan kyk jy ’n paar sekondes lank stip daarna. As ek dit van kant tot kant beweeg, volg jou ogies dit gewoonlik. Terwyl ek jou borsvoed, kyk jy stip na my gesig asof jy wil peil hoe hierdie vrou lyk wat jou