MET leiers uit die landbou aan die voorpunt skep inwoners van die Ditsobotla-munisipaliteit nou ’n alternatief vir dié plaaslike owerheid, wat ’n vlak van skrikwekkende en onomkeerbare ineenstorting beleef.
Verlammende ontwrigting in veral die lewering van water en elektrisiteit het gelei tot die onlangse stigting van die Ditsobotla-dienstevereniging (DDV).
“Die landbou is interafhanklik van doeltreffende en bekostigbare dienste van ’n funksionele munisipaliteit,” sê Boeta du Toit, uitvoerende hoofbestuurder van Agri Noordwes en voorsitter van die DDV.
“Die landbouwaardeketting is nou verweef met dorpe se lewensvatbaarheid. Ons kan nie daarsonder klaarkom nie. Ons koop ons insette daar, ons bemark baie van ons produkte daar en ons landboubesighede en ander diensleweraars is daar gevestig, asook ons skole, ouetehuise en kerke. Dit is baie belangrik
