OP DIE verhoog staan twee fris manne armlengte van mekaar, weerskante van ’n swaar ystertafel.
Hulle haal diep asem terwyl hulle mekaar stip in die oë gluur. Dan knik hulle hul koppe vir mekaar.
Hulle is gereed vir die geveg.
Pieter Bulldog swaai sy regterarm stadig tot net voor Alex Ravis se wang om sy afstand te meet. Hy skuif ’n halwe voet nader. Dan die tweede stadige swaai. Nou is die afstand tussen hulle net reg.
Alex weet met die derde swaai kom die klap. Volgens die internasionale reëls van klapgevegte, oftewel slap fighting, mag hy nie sy oë toemaak of sy kop wegruk wanneer die klap kom nie.
Pieter moet sy teenstander met
