NuusAktueel: Wol
ENIGE wolboer wat wonder of sertifisering en naspeurbaarheid ’n doel dien, moet kennis neem van wat in die Australiese wolbedryf, die wêreld se grootste, aan die gebeur is.
Josh Lamb, voorsitter van die Australiese raad vir woluitvoerders en -verwerkers, het onlangs teenoor Sheep Central sy kommer uitgespreek daaroor dat Australië, wat homself beskou as die voorste verskaffer van kleedwol, nou maar derde in die ry staan – agter Suid-Afrika en Nieu-Seeland – wat gesertifiseerde wol betref. Dit plaas dié twee kleiner wolproduserende lande op ’n meer gelyke voet met Australië wat produksie betref. Hy het gewaarsku dat Australië sy sokkies sal moet optrek om steeds marktoegang vir sy wol te behou (sien bit.ly/3KVWl3u).
Volgens Lamb is daar ’n toenemende vraag na gesertifiseerde wol reg oor die wêreld – nie net van Europa nie, maar ook van China.
Ongeveer 50% van alle Merino-wol in Suid-Afrika was in die 2022-’23-seisoen gesertifiseer, wat beteken dat ongeveer 34% van alle