Graan Beurtkrag, droogte en besproeiingsmielies
Kragonderbrekings lei tot groot skade aan besproeide gewasse. As water nie op die regte stadium gegee word – of reën nie betyds voorkom nie – kan kragonderbrekings baie groot skade tot gevolg hê.
Besproeiingsmielies word teen ’n verhoogde stand geplant, met gepaardgaande hoër opbrengste. Daar is ’n reglynige verband tussen water wat deur die plant opgeneem en getranspireer word, en die opbrengs wat verkry word. Namate die plante groter raak, neem hul blaaroppervlakte drasties toe. Meer blare beteken dat meer water per hektaar deur die plante opgeneem word. Onder besproeiing word water aan die plant voorsien wanneer dit nodig is.
Baie navorsing is gedoen oor hoeveel skade deur droogtestremming in die blomstadium aan die mielieplant aangerig word, maar meer navorsing is nodig oor wat in ’n vroeë stadium van ontwikkeling gebeur.
Wat tydens droogte gebeur
Droogte word in effek nageboots waar besproeide mielies nie betyds besproei kan word nie. Evapotranspirasie is die totale verlies van water vanaf die grondoppervlak en deur plante se blare. Evaporasie lei
