BRYAN WIE?
2007, FRANKRYK
Dis nie sommer enigeen wat vir Bryan Habana kan weghardloop nie; hy is immers saam met Jonah Lomu die voorste driedrukker in die Wêreldbekergeskiedenis. Maar een ou kon dit regkry om hom behoorlik hakskene te wys: Die Zimbabwe-boorling Takudzwa Ngwenya het in die 2007-toernooi vir die VSA gespeel en Habana soos ’n stadige voorspeler laat lyk toe hy verby hom versnel het vir een van die drieë van die toernooi.
DIE SLAG VAN BOET ERASMUS
1995, SUID-AFRIKA
Suid-Afrika se laaste groepwedstryd van die toernooi was teen Kanada in die Boet Erasmus-stadion in Port Elizabeth (Gqeberha) – en sou een word wat die Springbokke eerder sal wil vergeet.
Eers het ’n kragonderbreking kort voor die wedstryd die afskop met 45 minute vertraag. Toe hulle eindelik aan die speel kom, was dit ’n geniepsige wedstryd. Nadat die Springbokvleuel Pieter Hendriks en die Kanadees Winston Stanley aan mekaar begin stamp en stoot het, het hul spanmaats