DAAR is ’n foto wat ’n mens steeds sien in al wat ’n kroeg of kuierplek is. Dit wys die oomblik toe Joel Stransky se skepskop op Ellispark tussen die pale deur seil om ’n stukkie rugbygeskiedenis te skep. Dit laat baie Bok-ondersteuners steeds glimlag.
Die Bokke se Wêreldbekereindstryd teen Nieu-Seeland was die laaste hoofstuk in ’n storie wat klink asof dit uit ’n fliek kan kom. Suid-Afrika, enkele jare tevore nog die muishond van internasionale sport weens apartheid, het in sy eerste Wêreldbekertoernooi sedert die koms van ons demokrasie gespeel, en ons was die gasheerland.
Vanuit die staanspoor – toe die Bokke die heersende kampioen, Australië, in die eerste wedstryd klop – het die opwinding opgebou. Sal ons dalk kan wen? En ses wek later, op 24 Junie 1995, is on as die kampioen gekroon! Di sege het Suid-Afrikaners ora saamgesnoer en gehelp om ons land op ’n nuwe koers te plaas.
Maar die foto wat vandag nog meer vir Suid-Afrikaner rs beteken, is die een van oud-pres. Nelson Mandela
