t – teelepel/s e – eetlepel/s k – koppie/s
VERRUKLIKE APPELTERT
LEWER 1 GROOT TERT (27 CM IN DEURSNEE) BEREIDING: 30 MIN. / GAARMAAK: 50-60 MIN.
Onderin kry hierdie appeltert tuisgekookte appelmoes. Daarna word ’n kaaskoekvulsel oorgeskep voor dit sierlik afgerond word met kringe appelskyfies. Nie net sag op die oog nie – dis ook ongelooflik lekker!
VOEDSEL-VERWERKERDEEG
◗ 200 g botter, in stukkies gesny
◗ 180 ml (¾ k) versiersuiker
◗ 500 ml (2 k) koekmeel
◗ 80 ml (⅓ k) mielieblom
◗ yswater
APPELMOES
◗ 4 geskilde appels, ontkern en in stukkies gesny
◗ 200 ml vars lemoensap (sowat 3 lemoene)
◗ fyngerasperde skil van 1 lemoen
MAASKAASVULSEL
◗ 100 g gladde geroomde maaskaas
◗ 60 ml (¼ k) romerige natuurlike jogurt
◗ 7,5 ml (1½ t) mielieblom
◗ sap en gerasperde skil van halwe suurlemoen
◗ 1 eier
◗ 45 ml (3 e) bruinsuiker
◗ 2-3 appels, ontkern en in papierdun skyfies gesny
AFRONDING
◗ gladde appelkooskonfyt of heuning vir oorverf
◗ romerige jogurt (vir voorsit)
Voorverhit die oond tot 200 °C. Bespuit ’n 27 cm-losboom tertpan goed met kossproei.
Plaas al die bestanddele vir die kors buiten die yswater in die bak van die voedselverwerker en pols tot goed deurgewerk en glad. Voeg ’n bietjie yswater by, indien nodig, en meng tot