My seun Martin was aan die grootword en ek het besluit om ’n .270 Winchester aan te skaf en hom geleidelik aan die geweer bloot te stel. Tot op daar-die stadium het hy onder my toesig rooibokke met ’n .243 geskiet. Kort nadat ek die .270 gekoop het (’n Ruger No. 1B Standard met ’n valblokaksie), het ’n slaghuis my genader om vir hulle drie koedoes, drie blouwildebeeste en drie rooibokke te skiet.
Dit was redelik diep in die jagseisoen, maar ná vele navrae het ek op ’n jagplaas in die All-days-omgewing plek gekry en besluit om met die .270 te gaan jag. Ek moes die Sondag teen 11:00 daar wees, maar weer teen die komende Woensdagoggend uit wees vir ’n jaggroep met ’n bespreking tot die volgende naweek. Die persoon wat die jag op die plaas hanteer, het gemeen ek hap te groot om in die toelaatbare tyd soveel wild te wil skiet. Ek was egter goed voorbereid en het twee pakkies 180 grein Barnes Originalkoeëls saam met