SUID-AFRIKA se grootste kanola-oliepers wat miljoene rande aan diesel bestee, vrugteboere wat in die somermaande nie genoeg kan besproei nie, melkboere wat sukkel om melk te verkoel en pompe sonder krag wat werkers se huiswater voorsien, is die eerste linie van die gevolge van beurtkrag.
Daarna kom laer produktiwiteit, kleiner produksie, laer gehalte, hoër koste, laer wins, vermorsing en inkrimping van bedrywe: Alles omdat die nasionale kragvoorsiener, waarvan meer as 90% van boere in die Wes-Kaap heeltemal vir hul elektrisiteitsbehoeftes afhanklik is, nie sy mandaat kan vervul nie.
Hoewel die vraag na elektrisiteit in die landbou relatief laag is, word die landbousektor die meeste deur beurtkrag benadeel.
Die grootste risiko vir die ontwrigting van waardekettings
