WANNEER verskillende kulture mekaar ontmoet, word taal, gebruike, oortuigings en baie ander unieke kenmerke byeengebring. Die musiek van verskillende kulture kan ook bymekaarkom, saamsmelt en iets nuuts en opwindends word. Dit is hoe die musiekstyl bekend as jazz in Amerika ontwikkel het.
Jazz is ’n oorspronklike Amerikaanse musiekstyl wat ontstaan het toe Europese musiek saamgesmelt het met die musiek wat deur slawe uit Afrika na Amerika gebring is. Hierdie mense wat na Amerika verskeep en gedwing is om in plantasies te werk, het ’n ryk geskiedenis van Afrikamusiek saamgebring, met sy eie ritmes, melodieë en strukture.