DiE grootste, kleinste, vinnigste, hoogste, diepste, langste, kortste – dié “-ste” en dáái “-ste” word alles gevier in die wêreld se gewildste rekord van dinge in die oortreffende trap.
Skaars ’n week gaan verby dat die een of ander aspirantrekordbreker nie mik na sy ereplek in die aweregse heldesaal – of die nuus daarmee haal nie. Want dit bly ’n prestasie om te spog met ’n nuwe Guinness-wêreldrekord, en dit bly bevredigend om te lees oor die rekords wat ander opgestel het.
Byna 70 jaar het verloop sedert die eerste uitgawe van die Guinness Book of World Records in 1955 gepubliseer is, en baie van die rekords daarin is in die jare sedertdien verbeter. Waar het dit begin? Huisgenoot herbesoek die storie van die rekord van-stes.
Skeidsregter vir kroegpraatjies
Die idee vir die oorspronklike het in
