Die Nampo-oesdag het verlede jaar ná ’n afwesigheid van twee jaar ’n baie suksesvolle terugkeer tot die landboukalender gemaak. Besoekers was uitgehonger om weer persoonlik te kon kontak maak en gesels, en sowat 73 000 mense het die skou besoek. Dit ten spyte van beperkings op getalle en vereistes vir toegang wat toegepas moes word om aan die staat se regulasies oor covid-19 te voldoen.
Vry van dié inperkings is vanjaar se 55ste Nampo-oesdag oorgehaal om van 16 tot 19 Mei sy plek as leier in die tentoonstelling van landbouvooruitgang vol te staan.