Ná die amok wat Covid in die land se ekonomiese sektor gemaak het, het baie jagters eenvoudig nie meer soveel jaggeld as voorheen nie. Hoe gemaak om nog in die jagveld te kom, al is jou beursie baie dunner? Die groep boogjagters saam met wie ek al vir meer as twee dekades jag, het vanjaar bykans almal net een keer kans gekry om te gaan jag, terwyl ons vroeër elke jaar minstens vier of meer naweke jagveld toe was. Om dié rede het ek begin dink oor wat ’n mens kan doen om meer te kan jag met minder geld.
Een manier om goedkoper te jag is natuurlik om op goedko-per wild te fokus, soos om ’n rooibok of vlakvark in plaas van ’n eland, koedoe, wildebees of van die ander groter bokke te skiet. Los ook maar die trofeebokke vir die oorsese jagters en spits jou op biltongjag toe. Vergeet ook sommer van biltong! Laat die vleis só verwerk dat jy dit in stede van bees of ander