ANDER mense sou dalk meen hy’t lank een van die moeilikste werke in die land – dalk selfs ’n onmoontlike werk – gedoen. Maar hy dink aan homself as net nog ’n “gewone ou”.
Hy is “nét Jan”, sê hy, maar gee tog toe: “met ander verantwoordelikhede…”
En daardie verantwoordelikhede was nie sommer iets wat enige gewone ou sou aandurf nie. As groepbedryfshoof van Eskom moes Jan Oberholzer die wankelende kragverskaffer lank uit die intensiewesorgeenheid probeer red – makliker gesê as gedaan, soos almal weet.
Nou, ná ’n lang loopbaan van 30 jaar by Eskom, is dit amper tyd om die laaste keer sy kantoordeur toe te trek wanneer hy aan die einde van April kort ná sy 65ste verjaardag uittree. En waar hy hier in die ruim kantoor met die asemrowende uitsig by
