‘1 000% opbrengs op inligting’
Eienaar: Johan Willemse van Jireh Boerdery
Vertakkings: 3 400 ha kanola, koring, gars, hawer, mielies, lusern onder besproeiing en droëland, kommersiële Dohne-Merino-skape
Ligging: Hoërkraal, Riversdal en Hessequa langs die Tuinroete, Suid-Kaap
“Ons gebruik twee Case IH 8120-stropers en een John Deere S670-stroper. Bayer se Climate Field-View- sagtewareprogram is van my gunstelingtegnologieë. Tydens die stroopproses versamel die rekenaarstelsel opbrengsdata waarmee jy opbrengssones oor ’n landery of landerye kan skep. Data is beskikbaar terwyl jy stroop en só kan jy eksperimenteer en jou eie proewe doen met insette. As jy oes, is dié resultate onmiddellik beskikbaar.
“Daar word gesê die mens verdien 1 000% opbrengs op inligting. Die sagteware versamel alle toepaslike data oor ’n tydperk en om dié inligting vir bestuursbesluite te benut, is onontbeerlik. Dieselfde sagteware word gebruik met die saaiproses en die platform bestuur die proses volgens hoe die veranderlike insette deur jou beheer word.
“Presisietegnologie help met die kartering van opbrengssones waarna grondmonsters geneem