OP DIE silwerdoek was hy dikwels die taai aksieman; die een wat sélf sy waagtoertjies gedoen het en selfs in sy 60’s nog ’n spiertier was.
Maar in ’n video wat met sy 68ste verjaardag geneem is, is Bruce Willis ’n skadu van sy ou self – broos, effens bewerig en sonder een van sy voortande.
Daar is een troos: Sy uitgebreide gesin omring hom met hul liefde en steun.
In die video, wat sy eksvrou, Demi Moore (60), geneem het, sien ’n mens hoe hulle om hom saambondel waar hy die kersies op sy verjaardagkoek doodblaas, en hoe hulle uit volle bors vir hom sing.
“Hy is suiwer liefde. Hy is so geliefd,” skryf sy vrou van die afgelope