![f0054-01.jpg](https://article-imgs.scribdassets.com/566f1m1mioata8wb/images/file4A1PLXQI.jpg)
SLOT VERVOLGVERHAAL
K iaan hoes."Madison! Madison! Ons moet hier wegkom!"
"Mammie, dit brand!"skree Amelia ook. Sy skud aan haar ma terwyl sy haar neus met haar ander hand bedek. Sy het gehoop alles was 'n droom, maar toe sy met rook in haar keel wakker word, was sy seker haar realiteit het erger geword as waarvan sy bewus was.
Madison word uiteindelik wakker en staan op.
"Ons moet wegkom hier,"sê Kiaan vir Madison.
"Watter rigting?"wil sy by hom weet nog deur die slaap. Laura slaap nog. Amelia het intussen 'n plastieksak oopgeskeur en tussen Laura se kombersies gesit om van die water te keer as hulle weer nat reën.
"Enige rigting waar daar 'n paadjie is, net nie die een wat ons tot hier gevat het nie,"sê Amelia.
"Ek stem saam met jou,"sê Kiaan.
Hulle klim weer by die venster uit waar hulle ingekom het. Amelia dra vir Laura. Die vlamme vreet al aan die een kant van die skuur.
"Ai, ai, ai,"sug Madison. Haar kop pyn verskriklik.