#1 Toor met matte
“Daar’s niks erger as ’n mat wat te klein is onder ’n eetkamertafel sodat die stoele altyd net halfpad op die mat staan nie,” sê die binneontwerper Brigitte Hills. “Dit lyk simpel en kan lastig wees wanneer jy jou stoel wil in- of uitskuif.”
Die reëls verander egter effens as dit kom by ’n sitkamer of stoep met gemakstoele. Dit kom daarop neer dat matte nuttig is om bepaalde dele in oopplanruimtes af te baken terwyl dit ook tekstuur, patroon en kleur inbring, maar daar is ’n paar basiese beginsels wat jy in gedagte moet hou ...
[ IN DIE KOL]
Volgens Brigitte is die volgende nou warm nuus:
• Wolhaarmatte is terug! Dis nou nie juis troeteldiervriendelik nie, maar dit kan wonderlik voor ’n kaggel lyk.
• Matte met neutrale, aardse kleure en teksture – hetsy wol, bokhaar, sisal, hennep of goiing – bly gewild. Ons sien ook al hoe meer matte gemaak van ’n mengsel van natuurlike vesel en poliëster; dit beteken jy kan steeds ’n natuurlike voorkoms geniet met ’n produk wat langer sal hou.
• Duursame polipropileenmatte is hier om te bly. Ek gebruik dit dikwels binnenshuis waar