In Maart 2019 het ek en my vriend, Jaco Goosen, ’n wonderlike jag beleef toe ons met twee ou gewere elk ’n gemsbok geskiet het. Ek het my Portugese Mauser in 6,5x58mm gebruik en Jaco sy 1875-replika Sharps in .45-70 Govt. Daardie jag het my lus aangewakker om iets spesiaals met die ou Portugese Mauser te skiet. Toe Koos Barnard (oudredakteur van SA JAGTER/HUNTER) my kort daarna uitdaag om ’n koedoebul te voet met die “Portugees” te jag, was die koeël deur die kerk en het ek begin planne maak.
Voor ek egter van die jag ver-tel, eers iets meer oor die 6,5x58 Portuguese Vergueiro. Portugal het dié kaliber en die Mauser-Vergueiro-slotaksiegewere in 1904 vir militêre gebruik aanvaar. Hierdie gewere het ’n basiese Mauser-tipe aksie, maar het ook kenmerke van die Mannlicher-aksie, byvoorbeeld die gesplete brug. Op die linkerkant van my geweer se aksie lees die inskripsie soos volg: Ek het die geweer in 2002 van ’n vriend gekoop. Soos julle op die foto’s aan die kolf kan sien,
