Met die 2024-verkiesing om die draai, kan Suid-Afrikaners veral verwag dat die ANC hard gaan veg vir ’n 50%-meerderheid. Dus wag ’n wipwarit op die land, volgens ontleders.
Kenners met wie Landbouweekblad gesels het, meen dit gaan dus ’n moeilike jaar vir Suid-Afrika wees, aangesien die regering nie gaan “regeer” nie, maar eerder gaan konsentreer op planne om te oorleef, veral ná die Phala Phala-skandaal.
Tydens die ANC se afgelope konferensie by Nasrec moes partylede boonop swaar sluk aan ’n verslag wat die harde werklikhede van tanende kiesersteun uitstippel.
Mnr. Theo Vorster, uitvoerende hoof van Galileo Capital, verwag egter Suid-Afrika gaan nie noemenswaardige beleidsveranderinge of wetlike veranderinge van die ANC se kant af in die aanloop tot die verkiesing sien nie.
“Ek hoop nie so nie, maar ’n mens moet onthou die ANC gaan onder druk wees en kan maklik ’n meer populistiese siening begin inneem om