DIE staat het vandeesmaand duidelike waarskuwingskote afgevuur oor onwettige watergebruik ná ’n boer van Estcourt met R1,77 miljoen beboet is oor die onwettige onttrekking van besproeiingswater en ’n onwettige afdammingstruktuur op ’n plaas in Limpopo gesloop is.
Dit volg ná nóg ’n KwaZulu-Natalse boer in Junie vanjaar hof toe is om beswaar aan te teken teen ’n bevel van die departement van water en sanitasie om ’n onwettige dam op sy plaas te sloop.
Kenners meen dit verteenwoordig ’n duidelike beleidsverandering onder die huidige minister, mnr. Senzo Mchunu.
“Daar is tans ’n toename in gevalle van onwettige opdamming in Suid-Afrika en