KORTOM
■ Om volhoubaar winsgewend te bly, moet Suid-Afrika se avokadowaardeketting die nadelige rimpel-effekte van die covid-19-pandemie en internasionale omwentelinge noukeurig navigeer.
■ Die huidige hoë koste van avokadoproduksie-insette wat deur aardgas en ruolie vervaardig en vervoer word, sal waarskynlik nie tot voor-covid-19-vlakke daal nie.
■ Suid-Afrika moet enige beskikbare geleenthede gebruik om sy avokado-uitvoerhoeveelhede na bestaande en nuwe internasionale markte aansienlik te laat groei.
Avokado-aanplantings neem fluks toe en is een van die flinkste uitbreidings, Instagram is grasgroen van die plasings, en die markte ís daar – die ongunstige faktore moet net eers uit die weg geruim word.
Ná die finansiële verwoesting wat die covid-19-pandemie vroeg in 2020 meegebring het, het wêreldwye ekonomiese groei in 2021 merkwaardig tot 5,7% herstel. Gegewe die voortslepende impak van die pandemie was aanvanklike verwagtinge dat 2022 ’n effense afname tot ’n steeds behoorlike groei van 4,1% sou ervaar.
Net meer as ’n maand
