Suid-Afrika het verder gevorder met grondhervorming as verwag, en skeefgetrekte syfers maak dit moeilik om die realiteit van grond en die landbou te verstaan. In 1994, toe Suid-Afrika ’n demokrasie geword het, het wit boere 77,58 miljoen ha landbougrond van die totale grondoppervlakte van 122 miljoen ha besit. Die nuwe regering het homself die teiken gestel om 30% van dié grond binne vyf jaar te herverdeel. Die teikendatum is al telkens verskuif en is nou 2030.
Daar word algemeen geglo dat 8-10% van grond al herverdeel is. Maar dit is verkeerd, soos hieronder bewys sal word, aangesien dit ’n paar sleutelstatistieke uitlaat.
Net 17-20% van die 77,58 miljoen ha is geskik vir oesgewasse, besproeiing en tuinbou. Meer as 55% van landbougrond is net geskik vir ekstensiewe beweiding (grond wat arm en droog is, maar waar diere
