Mense dink dat jagters nie lief is vir diere nie. Volgens my is ons as jagters wel baie lief vir die natuur en sy diere. Ek geniet dit om in die natuur te wees, die samesyn met vriende en familie, die opwinding om jou prooi te agtervolg, die genot om wild te sien, die sterreprag saans, die kampvuur en die stories wat daar vertel word – ’n mens kry nie beter as dit nie. Afgesien van die sterreprag in die veld waar jy elke sterretjie in die heelal kan sien, is daar ook die stilte van die natuur, en as jy mooi luister, praat die stilte terug.
Hoewel ek in die stad woon, is hierdie nie een van daardie “my lewe begin waar die teerpad ein-dig” tipe stories nie. Al is ek ’n stadsbewoner, is ek bitter lief vir die plaas, hetsy dit ’n melk-, vee-, sitrus- of wildplaas is. Vir my gaan dit daaroor om elke oggend op te staan met ’n
