In ’n opname deur die nasionale oesskattingskomitee oor boere se plantvoornemens word die verwagte aanplanting van sonneblom op 580 500 ha beraam – 90 200 ha minder as die afgelope seisoen se 670 700 ha.
Soos allerweë verwag is, is dit veral meer sojabone wat aangeplant gaan word ten koste van mielies en sonneblom, asook ander somergewasse. Volgens die opname wat die situasie teen middel Oktober weerspieël het, beoog kommersiële produsente om 2,591 miljoen ha mielies in 2022-’23 te plant. Dit is 32 000 ha (1,2%) minder as die vorige seisoen.
Die voorgenome sojaboonaanplantings van 1,076 miljoen ha toon ’n toename van 16,2% of 150 200 ha, vergeleke met die afgelope seisoen.
In reaksie op die plantvoornemens het dr. Werner Rossouw, direkteur van Silostrat, daarop gewys dat die totale somerseisoenaanplantings van
