KORTOM
■ ’n Maatskappy op Stellenbosch het geskiedenis gemaak deur die eerste satelliet met ’n doelgemaakte klem op die landbou ter wêreld te bou.
■ Dragonfly Aerospace is deur die internasionale maatskappy EOS Data Analytics gekontrakteer en die satelliet word in Desember gelanseer.
As jy by die outomatiese glasdeure van Dragonfly Aerospace in die hartjie van Stellenbosch instap, wonder niemand waarmee mense hier doenig is nie. Honderde klein wit liggies skitter teen die pikswart plafon van die ingangsportaal, nes die sterrehemel op.