KORTOM
■ Daar is minder as 2 500 renosters in die Krugerwildtuin oor.
■ Die Cites-handelsverbod werk nie om renosters te beskerm nie.
■ ’n Nuwe oplossing moet met die samewerking van almal, selfs die kopers, bespreek word.
Dit is al 45 jaar vandat renosters op die lys van die konvensie vir wêreldhandel in diereprodukte geplaas is vir spesies wat die risiko loop om uit te sterf, bekend as Cites 1. Tog het Suid-Afrika volgens die departement van bosbou, visserye en omgewingsake nou 2 458 renosters in die Krugerwildtuin oor van die byna 11 000 wat daar in 2011 in die kudde was (sien GRAFIEK ).
Kenners uit verskeie oorde meen dit alleen is genoeg bewys dat die verbod misluk en dat die wettige handel in renosterhoring dalk broodnodige geld vir bewaring beskikbaar kan stel.
Mnr. John Hanks, voormalige uitvoerende hoof van die Wêreldnatuurlewefonds (WWF), sê vandat die Cites-verbod op handel in renoster en renosterprodukte in 1977 ingestel is, is daar al
