INLIGTING
Plaas ligging: Hartswater, Noord-Kaap
Naam: SA Peanut
Eienaarskap: Maatskappy
Vertakkings: Saaiboerdery, grondboon- en pekanneutfabriek, lusernaanleg en katoenpluismeule
Grondtipe: Sandleem
Gemiddelde reënval: 450 mm per jaar
Kort op die hakke van uitsprake dat grondbone se winsgewendheid ernstig geknou is, sit drie nuwe kultivars uit Texas in die suide van Amerika ’n ander nuweling ore aan – met opbrengste van tot 17% hoër.
Mnr. Alfons Visser, eienaar van SA Peanut, soek al jare lank nuwe kultivars in die buiteland wat ’n groter opbrengs as die huidige kultivars lewer omdat grondboonproduksie in Suid-Afrika bly daal.
“Die bestaande kultivars maak nie noemenswaardige vordering met oesgrootte nie,” sê Visser.
Die drie nuwe grondboonkultivars uit Texas het in die eerste proewe in Suid-Afrika opbrengste van tot 17% hoër op droëland én onder besproeiing behaal as ’n ander nuweling, Schubert, wat in kommersiële besproeiingsaanplantings al meer as 4 t/ha gelewer het.
Die nuwelinge kom van maatskappye in dié deelstaat wat aan SA Peanut die alleenreg