Voorgestelde wysigings aan die regulasie wat die bemarking van suiwelprodukte reguleer, sluit nie wysigings oor die gebruik van die naam “melk” vir plantgebaseerde melkalternatiewe in nie omdat dit, mits voorgeskrifte nagekom word, al meer as 30 jaar lank wettig is.
Mnr. Jompie Burger, projekbestuurder van Melk SA se regulasies-en-standaardeprojek en besturende direkteur van die Suiwelstandaarde-agentskap, sê ’n tegniese werkgroep van die georganiseerde suiwelbedryf werk sedert vroeg vanjaar aan voorstelle vir wysigings aan regulasie 1510 (R1510 van 2019) van die Wet op Landbouprodukstandaarde (Wet 119 van 1990).
Die regulasie bevat voorskrifte rakende die klassifikasie, verpakking en bemarking van suiwel- en nabootsende suiwelprodukte.
Die bedryf het vroeër vanjaar die geleentheid gehad om kommentaar te
