Die oorgang van konvensionele boerdery na organies is in sekere bedrywe gladder en vinniger as in ander. In sekere uitvoerbedrywe loop die druk hoog om die omskakeling te doen.
Die inploffing van Sri Lanka se regering vroeër vanjaar het die kollig opnuut geplaas op organies – en die ingewikkelde debat oor of dit prakties is. Dit is belangrik om eers die konteks te verstaan van die hernude debat tussen diegene vir en teen organiese produksie na aanleiding van wat in dié land gebeur het.
As deel van sy 2019-verkiesingsveldtog wou Sri Lanka se voormalige president, mnr. Gotabaya Rajapaksa, ’n geleidelike oorskakeling na organiese landbouproduksie binne ’n dekade bewerkstellig. Oor etlike jare – vóór Sri Lanka se organiese krisis – het ondeurdagte beleid die ekonomie afgetakel. ’n Terreuraanslag in 2019, asook die rimpeleffek van die covid-19-inperkings en die Russiese inval in Oekraïne was net verdere olie op die vuur.
OORHAASTIG EN ONVOORBEREID
In April 2021, toe dié land ekonomies erg in die knyp was, het die
