Gebruik minder kunsmis, pleit kenners
Twaalf van die wêreld se voorste wetenskaplikes het die veelbesproke 4R-beginsel vir verminderde, verantwoordelike kunsmisgebruik ontwikkel. Groter verantwoordelikheid teenoor die omgewing is die sleutelaandrywer, en die hele bedryf — vervaardigers en boere — word aangemoedig om die beginsels te aanvaar.
KORTOM
■ Wanneer te veel kunsmis in voedselproduksie gebruik word, benadeel dit die omgewing.
■ Die nuwe 4R-benadering bied nuwe riglyne oor kunsmisgebruik aan die bedryf en het reeds talle partye se ondersteuning.
■ Die hele kunsmisbedryf en landbousektor se samewerking is noodsaaklik om dit suksesvol in te stel.
Verminderde kunsmisgebruik is om drie redes ’n aktuele onderwerp. Jare lange onoordeelkundige gebruik moet nie net uit ’n omgewingsoogpunt nek omgedraai word nie, maar uit ’n kosteperspektief maak dit ook nie meer sin om blindelings te bemes nie. Druk van die verbruiker neem ook toe
