CHINA SE PLAN MET SA SITRUS

Die nuwe Cheetah Packpakhuis in Addo in die grootste produksiestreek in die Oos-Kaap bied nie net toegang tot die Chinese mark nie, maar wil ook die kleiner boer bedien.

Berda Fruit, ’n maatskappy in Chinese besit, het sy eerste pakhuis in Suid-Afrika opgerig om genoeg sitrus van Suid-Afrikaanse boere te kan bekom vir uitvoer na China, sê mnr. Pierneef Smit, bestuurder van Berda Fruit in Suid-Afrika. Die bouwerk het in September 2021 begin en die pakhuis is vanjaar net voor oestyd voltooi.

Berda Fruit is ’n Chinese invoermaatskappy wat vars vrugte van verskeie lande in die Suidelike Halfrond, soos Suid-Afrika en Chili, na China invoer. Die maatskappy voer al geruime tyd Suid-Afrikaanse sitrus en