Beheerde brand verg bitter fyn beplanning

Beheerde brande is onlosmaaklik deel van suksesvolle veldbestuur, sê mnr. Kotie van den Berg van die plaas Beeldhouersfontein, Murraysburg. Hoe deegliker beplanning vooraf gedoen word en hoe meer faktore in ag geneem word, hoe beter kan die veld daarna herstel en terugbons.

Van den Berg, wat deel is van die familie wat die langste op Landbouweekblad ingeteken is en sedert 1919 nie ’n enkele uitgawe misgeloop het nie, is in 2012 as die Weidingsvereniging van Suider-Afrika (WVSA) se topbewaringsboer in die Wes-Kaap aangewys. Hy is ook ’n weidingkundige en was vir baie jare voorsitter van Murraysburg se bewaringskomitee.

Van den Berg sê die bergagtige, oostelike dele van die Karoo, waar Murraysburg geleë is, het ’n eiesoortige plantegroei, bekend as suurpolbergveld met ’n kenmerkende samestelling. Die veld bestaan hoofsaaklik uit suurpol (, voorheen), ’n geharde, meerjarige, koelseisoen-polgras