AMPTENARE ‘MAAK BESPOTTING VAN DIE WET’ MET LIMPOPO-ONTWIKKELING
BOERE en omgewingsgroepe oorweeg regstappe teen ’n mega-nywerheidsontwikkeling wat op meer as 8 000 ha ongerepte bosveld tussen Musina en Louis Trichardt (Makhado) beoog word.
Die provinsiale regering van Limpopo beur voort met planne vir die Musina Makhadospesiale ekonomiese sone, al het talle belanghebbendes uit die Vhembe-distrik tydens die omgewingsgoedkeuringsproses duidelik aangetoon hoe skadelik en onvolhoubaar ’n groot nywerheidsontwikkeling noord van die Soutpansberg is.
Die omgewingsimpakstudie het ook gewaarsku teen talle omgewings-, kulturele, gesondheids- en sosiaal-maatskaplike risiko’s. Daarom het boere, gemeenskaps- en bewaringsorganisasies en ander belanghebbendes soos een man tydig teen die
