PERSIMMON-OES WAS GOED

Vanjaar se persimmon-oes wat aan die Arisa-vrugteverspreiders se produksiegebied by Buffelsjagsrivier gelewer is, het die betreklik goeie oes van 2021 geëwenaar.

Mnr. Elmano Hendriks van Arisa sê sowat 6 000 plukhouers van 430 kg is by die aanleg verwerk. Sowat 80% daarvan word jaarliks na Europa, Brittanje, die Midde- en Verre Ooste en Mauritius uitgevoer. Volgens hom was die gehalte van die vrugte in die produksiegebied van die Buffeljagsrivier en Bonnievale wisselvallig en die vrugte was kleiner as gewoonlik.

“Die produk het maar elke seisoen witstinkluis onder die kroonblare. wat van die tweede week van April tot die eerste week van Junie geoes word.”