VLOEK VAN DIE KARDASHIANS

ALS het so goed gegaan. Hulle het ’n sprokiestroue in Italië gehad, toe ’n idilliese Mediterreense wittebrood. Ná al die hartseer van haar jare saam met Scott Disick was almal dit eens: Travis Barker was die gelukkige einde wat Kourtney Kardashian verdien.

Maar soos soveel keer vantevore in die Kardashian-wêreld, was dit nie lank voor teëspoed die paartjie tref nie.

Travis moes onlangs inderhaas na ’n hospitaal in Los Angeles jaag toe hy sulke erge maagkrampe gekry het dat hy nie kon loop nie. “God save me,” het hy ure voor dit getwiet.

Travis is met pankreatitis gediagnoseer, inflammasie van die pankreas wat lewensbedreigend was in die geval van die Blink 182-rocker. Terwyl hy in die hospitaal herstel het, het hy verduidelik dat hy ’n endoskopie laat doen het om ’n baie klein poliep “reg op ’n baie sensitiewe plek” te verwyder. “Dit het ongelukkig ’n noodsaaklike pankreasdreineringsbuis beskadig en in ernstige lewensbedreigende pankreatitis ontaard.”

Travis behoort volkome te herstel, maar dié drama is maar net die jongste in ’n lang